صدق اهو فعلاً نسى ؟ راح وأهداني الأسى!

يا حبيبي في.. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني




والسؤال اللي ذبحني :
- صدق اهو فعلاً نسى ؟
راح وأهداني الأسى!
وما وصلتْ إلا ل حقيقه :
الجفا أسْهَلْ طريقه
للقسى..!



تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟



ياللي مِن غيرك حياتي
ما لها داعي ومعنى !
صار قلبي ما يحاتي:
بعد ما تخليت عنه !



إيه كل الناس عندي
بس مابيهم بدونك ..!!
تدري يا عمري بأنك..
عندي كل الناس إنت
!
ومهما تجرحني / مسامح
وكِل طعناتي / عوافي



عشت وافي لدنيتك
وموت وافي ..
ما اخونك لو تجافي
ما هو آنا اللي إن ضاقت
علي الدنيا / خنت