ياروحي من فياض الروح برسم لك عناويني
و روح في وطن سري تلملم حرفي الشارد
حياتي ! وش حياتي ؟ قبل ماروحك تدفيني
عسى عمرك و أيامك تطول وحرّها بارد
سرقتك في غمض عمري لأغصان ذوت فيني
ولا ماكان بحسابي ولا في فكرتي وارد !
تهيا طيفك المطفي بلوحة من تلاويني
تهيا وماضوَتْ إلا مدآمع جفنك الساهد
تململ دفتر الذكرى طفح ليله مجاريني
تمنّع في بزوغ أنواري اللهفى سرى جاهد
تكدِّس خاطر أشواق الأماني والرجا فيني
تلعثِمْ صمت عبرات الكفاية من أمل زاهد
بحفظ الله تمادى في مسافات خطَتْ فيني
نقشتك في وطن سرّي طويتك في وطن صامد
عسانا في كنف ربك .. بجنآته تحييني
عسى خوّة بلا ريبة تجي في بعثتي شاهد .. !
موضوع: ســـرقــــتـــــــــك 
الأربعاء مايو 06, 2009 5:47 am
